شنگھائی تعاون تنظیم پائیدار اقتصادی نمو میں قائدانہ کردار ادا کر سکتی ہے: اسحاق ڈار

نائب وزیراعظم و وزیر خارجہ اسحاق ڈار نے شنگھائی تعاون تنظیم (ایس سی او) کے اجلاس سے خطاب کرتے ہوئے کہا ہے کہ تنظیم ڈیجیٹل تبدیلی، پائیدار اقتصادی نمو اور علاقائی رابطوں کے فروغ میں کلیدی اور قائدانہ کردار ادا کرنے کی صلاحیت رکھتی ہے۔ انہوں نے واضح کیا کہ سی پیک تمام ایس سی او رکن ممالک کو معاشی شراکت داری اور انضمام کے سفر میں تیزی لانے کے بہترین مواقع فراہم کرتا ہے۔ اسحاق ڈار نے زراعت، کان کنی، معدنیات، توانائی اور آئی ٹی کے شعبوں میں سرمایہ کاری بڑھانے کی ضرورت پر زور دیتے ہوئے کہا کہ پاکستان ‘شنگھائی اسپرٹ’ پر عمل پیرا ہے اور وزیراعظم شہباز شریف کے پیش کردہ وژن کے مطابق ایس سی او کے ایجنڈے کو آگے بڑھانے کے لیے پرعزم ہے۔