نومنتخب سعودی سفیر کی جی ایچ کیو آمد: فیلڈ مارشل سے ملاقات، باہمی امور پر تبادلہ خیال

مملکت سعودی عرب کے پاکستان میں نومنتخب سفیر ڈاکٹر راجح تامی البغامی نے جنرل ہیڈکوارٹرز (جی ایچ کیو) میں فیلڈ مارشل و چیف آف ڈیفنس فورسز سید عاصم منیر سے ملاقات کی ہے۔ پاک فوج کے شعبہ تعلقاتِ عامہ (آئی ایس پی آر) کے مطابق ملاقات کے دوران باہمی دلچسپی کے امور، علاقائی سلامتی اور مکہ مشترکہ دفاعی معاہدے کے فریم ورک کے تحت ہونے والی پیش رفت پر تفصیلی تبادلہ خیال کرتے ہوئے اطمینان کا اظہار کیا گیا۔ فیلڈ مارشل سید عاصم منیر نے سعودی سفیر کو ان کی تقرری پر مبارک باد دیتے ہوئے امید ظاہر کی کہ ان کی مدتِ سفارت دونوں برادر ممالک کے درمیان دیرینہ، تاریخی اور اسٹریٹجک تعلقات کو مزید مستحکم بنانے میں اہم ثابت ہوگی۔