اسلام آباد میں نجی یونیورسٹی کی طالبہ کی مبینہ خودکشی کا معاملہ، ملزم گرفتار

اسلام آباد کی ایک نجی یونیورسٹی کی طالبہ کی مبینہ خودکشی کے کیس میں اہم پیش رفت سامنے آئی ہے، جہاں اسلام آباد پولیس نے کارروائی کرتے ہوئے مبینہ طور پر ملوث مرکزی ملزم کو گرفتار کر لیا ہے۔ پولیس ذرائع کے مطابق ملزم کے ساتھ ایک خاتون کو بھی حراست میں لے کر تفتیش کا دائرہ وسیع کر دیا گیا ہے، جبکہ ایف آئی اے (FIA) اینٹی ہیومن ٹریفکنگ سرکل نے واقعے کا مقدمہ درج کر کے قانونی کارروائی شروع کر دی ہے۔ حکام نے جائے وقوعہ کے اطراف سے سی سی ٹی وی فوٹیج بھی حاصل کر لی ہے، جس میں متوفیہ کو گلی سے گزرتے ہوئے دیکھا جا سکتا ہے۔ پولیس اور ایف آئی اے شواہد کی روشنی میں معاملے کے تمام پہلوؤں کا جائزہ لے رہے ہیں۔