ویب ڈیسک Time 10 اکتوبر ، 2026 Facebook Twitter دنیا فوجی اڈے کے حملہ آور کی سزائے موت کو براہ راست دکھانے کا فیصلہ نہیں کیا: ڈونلڈ ٹرمپ

امریکی صدر ڈونلڈ ٹرمپ نے تصدیق کی ہے کہ انہوں نے فورٹ ہڈ فوجی اڈے پر ہوئے ہلاکت خیز حملے کے مجرم اور سابق برطانوی/امریکی فوجی میجر ندال مالک حسن کی سزائے موت کی منظوری دے دی ہے، تاہم سزائے موت کو براہِ راست (لائیو اسٹریم) دکھانے کے فیصلے پر ابھی حتمی غور کیا جا رہا ہے۔ پینٹاگون کے وزیر دفاع پیٹ ہیگسیتھ کی جانب سے سزائے موت کو لائیو نشریات کے ذریعے دکھانے کے اعلان کے بعد امریکی سیاست میں شدید بحث چھڑ گئی ہے۔

امریکی نائب صدر جے ڈی وینس نے اس حوالے سے ردعمل دیتے ہوئے کہا ہے کہ انہیں علم نہیں کہ پینٹاگون کے تحت سزائے موت کی لائیو اسٹریمنگ حتمی طور پر ہو گی یا نہیں، لیکن اگر اسے براہِ راست دکھایا بھی گیا تو وہ اسے ہرگز نہیں دیکھیں گے۔ یاد رہے کہ پینٹاگون کے اعلان کے مطابق فورٹ ہڈ حملے کے مرکزی مجرم ندال حسن کو 3 دسمبر کو فائرنگ اسکواڈ کے ذریعے سزائے موت دی جائے گی، جو کہ گزشتہ 60 سال سے زائد عرصے میں امریکی فوج کی جانب سے دی جانے والی پہلی سزائے موت ہوگی۔ ندال حسن کو 2009ء میں ٹیکساس کے فوجی اڈے میں اندھا دھند فائرنگ کر کے 13 افراد کو قتل اور 32 کو شدید زخمی کرنے کے جرم میں سزائے موت سنائی گئی تھی۔