ایران اب بھی امریکا کو جواب دینے کی بھرپور صلاحیت رکھتا ہے، بلومبرگ

امریکی خبر رساں ادارے ’بلومبرگ‘ کی ایک رپورٹ میں انکشاف کیا گیا ہے کہ ایران اب بھی امریکا کا مقابلہ کرنے اور جواب دینے کی بھرپور صلاحیت رکھتا ہے اور اس کے پاس بیلسٹک میزائلوں کے بڑے ذخائر موجود ہیں۔ رپورٹ کے مطابق ایران اپنی اہم میزائل اور ڈرون تنصیبات کو محفوظ رکھنے میں کامیاب رہا ہے جبکہ اس نے اپنے دفاعی اور فوجی ہتھیاروں کے ذخائر کو بھی دوبارہ بہتر بنایا ہے۔ دوسری جانب مغربی حکام نے دعویٰ کیا ہے کہ روس ایران کو میزائل فراہم کر رہا ہے، تاہم روس کی جانب سے ایران کو میزائلوں کی ترسیل کے حوالے سے عائد کیے گئے اس دعوے کی آزادانہ تصدیق نہیں ہو سکی ہے۔