مقبوضہ جموں و کشمیر سمیت تمام تصفیہ طلب مسائل پر مذاکرات ہونے چاہئیں: طاہر اندرابی

اقوام متحدہ کی جنرل اسمبلی میں پاکستان کے مستقل مندوب طاہر حسین اندرابی نے خطے میں خطرات اور جنگوں کے پھیلتے دائرے پر تشویش کا اظہار کرتے ہوئے عالمی ادارے سے اسلحے کی دوڑ روکنے اور مقبوضہ جموں و کشمیر سمیت تمام تصفیہ طلب مسائل پر مذاکرات کی اپیل کی ہے۔ اپنے خطاب میں انہوں نے کہا کہ جنوبی ایشیا بھارت کی بڑے پیمانے پر عسکری توسیع اور جارحانہ نظریات کے باعث شدید عدم استحکام کا شکار ہے۔ طاہر اندرابی نے واضح کیا کہ پاکستان اسلحے کی دوڑ کا حصہ نہیں بننا چاہتا لیکن اپنی ضرورت کے مطابق دفاعی صلاحیات برقرار رکھے گا، جبکہ جوہری صلاحیتوں کی موجودگی میں جنگ کو کنٹرول میں سمجھنا ایک بڑی بھول ہے۔ انہوں نے سعودی عرب اور ترکیہ کے ساتھ ’مکہ دفاعی معاہدے‘ کو خالصتاً دفاعی اور اقوام متحدہ کے منشور کے مطابق قرار دیا اور مشرقِ وسطیٰ میں کشیدگی کی کمی پر زور دیا۔