روسی حملوں سے یوکرین میں مزید ہلاکتیں، زیلنسکی کا نیٹو سے دفاعی امداد کا مطالبہ

برطانوی میڈیا کی رپورٹ کے مطابق یوکرین پر تازہ روسی حملوں میں مزید 3 افراد ہلاک اور 8 زخمی ہو گئے ہیں، جبکہ گزشتہ تین دنوں کے دوران روسی بمباری سے ہلاک ہونے والوں کی تعداد 50 سے تجاوز کر گئی ہے۔ رپورٹ کے مطابق زاپوریزیا اور مغربی یوکرین میں حملوں کے علاوہ مشرقی علاقے میں گائیڈڈ بم کے حملے میں شدید جانی نقصان ہوا ہے۔ روسی حملوں کی وجہ سے یوکرین کے توانائی کے بنیادی ڈھانچے اور بجلی کے نظام کو بھی شدید نقصان پہنچا ہے۔ صورتحال کے پیشِ نظر یوکرینی صدر وولودیمیر زیلنسکی نے نیٹو اتحادیوں سے فوری مزید ایئر ڈیفنس سسٹمز اور گولہ بارود فراہم کرنے کی اپیل کرتے ہوئے کہا ہے کہ فضائی دفاع کو مضبوط بنا کر ہی انسانی جانوں کا تحفظ یقینی بنایا جا سکتا ہے۔