پاناما میں 7.7 شدت کا زلزلہ، متعدد ممالک میں سونامی کی وارننگ جاری

وسطی امریکی ملک پاناما میں 7.7 شدت کے شدید زلزلے کے بعد مختلف ممالک کے ساحلی علاقوں کے لیے سونامی کی وارننگ جاری کر دی گئی ہے۔ امریکی جیولوجیکل سروے (USGS) کے مطابق زلزلے کی گہرائی 10 کلومیٹر ریکارڈ کی گئی، جس کے باعث سونامی کی لہریں پاناما، چلی، کولمبیا، کوسٹاریکا، ایکواڈور، پیرو، نکاراگوا، ایل سلواڈور اور میکسیکو کے ساحلوں سے ٹکرا سکتی ہیں۔ زلزلے کی شدّت کے باعث پاناما کے 6 صوبوں میں بجلی کی فراہمی منقطع ہو گئی اور بین الاقوامی ہوائی اڈے کو عارضی طور پر بند کر دیا گیا۔ انتظامیہ کی جانب سے متاثرہ علاقوں میں صورتحال کی نگرانی جاری ہے جبکہ ساحلی آبادیوں کو محتاط رہنے اور حفاظتی ہدایات پر عمل کرنے کی ہدایت کی گئی ہے۔