حوثیوں کا خطرہ اب یمن کا اندرونی معاملہ نہیں رہا، یمنی مندوب

اقوام متحدہ کی سلامتی کونسل کے اجلاس سے خطاب کرتے ہوئے یمنی مندوب نے کہا ہے کہ حوثی ملیشیا کا خطرہ اب محض یمن کا اندرونی معاملہ نہیں رہا بلکہ یہ عالمی امن و سلامتی کے لیے ایک بڑا چیلنج بن چکا ہے۔ یمنی مندوب نے سلامتی کونسل سے مطالبہ کیا کہ حوثیوں کو اسلحے اور مالی وسائل کی فراہمی روکنے کے لیے فوری اور مؤثر اقدامات کیے جائیں۔ انہوں نے یمنی عوام، حکومت اور ریاستی اداروں کے لیے سعودی عرب کی امداد اور تعاون کو سراہتے ہوئے واضح کیا کہ حوثیوں کی تخریبی کارروائیاں بند ہونے سے ہی خطے میں حقیقی، پائیدار امن اور استحکام کا قیام ممکن ہو سکے گا۔