سعودی عرب اپنی سلامتی کے دفاع کا حق رکھتا ہے، سعودی مندوب عبدالعزیز الواصل

اقوام متحدہ کی سلامتی کونسل کے اجلاس سے خطاب کرتے ہوئے اقوام متحدہ میں سعودی عرب کے مندوب عبدالعزیز محمد الواصل نے واضح کیا ہے کہ سعودی عرب اپنی سرزمین اور شہریوں کی سلامتی کے دفاع کا کامل حق رکھتا ہے اور اس مقصد کے لیے تمام ضروری اقدامات اٹھائے گا۔ اپنے خطاب میں انہوں نے کہا کہ کسی بھی دہشت گرد ملیشیا کو خطے پر اپنی مرضی مسلط کرنے کی اجازت نہیں دی جا سکتی۔ سعودی مندوب نے عالمی برادری پر زور دیا کہ وہ بحری آمدورفت کی آزادی کو یقینی بنانے کے لیے مؤثر اقدامات کرے۔ عبدالعزیز الواصل نے مزید کہا کہ سعودی عرب نے ہمیشہ امن کو ترجیح دی ہے اور خطے میں پائیدار استحکام اور سلامتی کے لیے اپنی کوششیں جاری رکھے گا۔