سعودی عرب کی سلامتی کیلئے پُرعزم، حوثی ملیشیا حملے فوری بند کر دے: وزیراعظم

وزیراعظم محمد شہباز شریف نے سعودی عرب پر حوثی حملوں کی شدید مذمت کرتے ہوئے سعودی قیادت اور عوام کے ساتھ مکمل یکجہتی کا اظہار کیا ہے۔ سماجی رابطے کی ویب سائٹ ایکس پر اپنے پیغام میں انہوں نے ریاض کے کنگ خالد انٹرنیشنل ایئرپورٹ اور ابہا ایئرپورٹ کو نشانہ بنانے پر افسوس کا اظہار کیا اور حملوں کے دوران قیمتی جانی نقصان پر تعزیت کی۔ وزیراعظم نے سعودی مسلح افواج اور اتحادی افواج کی مستعدی کو سراہتے ہوئے متعدد بیلسٹک میزائل حملوں کو ناکام بنانے پر انہیں خراجِ تحسین پیش کیا۔ انہوں نے واضح کیا کہ مکہ مشترکہ دفاعی معاہدے کے تحت سعودی عرب کی سلامتی کے لیے پاکستان کا عزم غیر متزلزل ہے، اور پاکستان خطے کے کسی بھی خطرے کے مقابلے میں سعودی عرب کے ساتھ شانہ بشانہ کھڑا رہے گا۔