سابق امریکی میجر کو فائرنگ سکواڈ کے ذریعے سزائے موت براہِ راست نشر ہوگی: پینٹاگون

امریکی وزیر دفاع پیٹ ہیگستھ نے اعلان کیا ہے کہ 2009 میں فورٹ ہُڈ فوجی اڈے پر فائرنگ کر کے 13 غیر مسلح امریکی فوجیوں کو ہلاک کرنے والے سابق فوجی افسر ندال حسن کو دی جانے والی سزائے موت کو براہِ راست نشر کیا جائے گا۔ یہ تقریباً ایک صدی میں امریکا میں ہونے والی پہلی عوامی سزائے موت اور دوسری جنگِ عظیم کے بعد فائرنگ سکواڈ کے ذریعے دی جانے والی پہلی فوجی سزا ہوگی۔ ندال حسن کو 2009 میں 13 افراد کے قتل اور 32 کے قتل کی کوشش کے الزامات پر فوجی جیوری نے متفقہ طور پر سزائے موت کی سفارش کی تھی، جس کی منظوری صدر ڈونلڈ ٹرمپ نے دے دی ہے۔ پینٹاگون کے مطابق اس اقدام کا مقصد عوام کو یہ باور کرانا ہے کہ ایسے سنگین جرائم کے نتائج بھی اتنے ہی ہولناک ہوتے ہیں۔