ریاست مخالف پروپیگنڈے کے خلاف این سی سی آئی اے کے خصوصی یونٹس قائم

نیشنل سائبر کرائم انویسٹی گیشن ایجنسی (این سی سی آئی اے) نے ریاست مخالف پروپیگنڈے اور جعلی خبروں کی موثر روک تھام کے لیے خصوصی یونٹس قائم کر دیے ہیں، جبکہ سائبر سپیس کی نگرانی کے لیے تمام ریجنز میں سائبر پٹرولنگ یونٹس بھی فعال کر دیے گئے ہیں۔ ترجمان کے مطابق ڈی جی این سی سی آئی اے سید علی ناصر رضوی نے پنجاب کے دورے کے دوران 500 سے زائد شکایت کنندگان سے ملاقات کی اور شکایات کے اندراج کے نظام کو مزید عوام دوست بنانے کی ہدایت کی۔ انہوں نے واضح کیا کہ جعلی خبروں اور ریاست مخالف پروپیگنڈے کے خلاف زیرو ٹالرنس پالیسی اپنائی گئی ہے اور میرٹ و شفافیت پر کوئی سمجھوتہ نہیں کیا جائے گا۔