ماہ ستمبر میں جنوبی بلوچستان سے 435 غیر قانونی افغان باشندے گرفتار

سکیورٹی فورسز کی جانب سے جنوبی بلوچستان میں غیر قانونی افغان باشندوں کے خلاف مؤثر کارروائیاں جاری ہیں۔ سکیورٹی ذرائع کے مطابق ستمبر 2026ء کے دوران تربت، دشت، پنجگور، دالبدین اور ماشکیل کے علاقوں میں 15 کامیاب آپریشنز کیے گئے، جن کے دوران 435 غیر قانونی افغان باشندوں کو گرفتار کیا گیا۔ گرفتار تمام افراد کو ضروری قانونی کارروائی کے بعد باعزت طریقے سے ان کے وطن واپس بھیج دیا گیا ہے۔ ذرائع کا کہنا ہے کہ افغانستان میں معاشی مشکلات اور ناکام پالیسیوں کے باعث افغان شہریوں کی پاکستان میں غیر قانونی داخلے کی کوششیں جاری ہیں، جنہیں روکنے کے لیے سکیورٹی ادارے مکمل طور پر متحرک ہیں۔