یمنی وزیر خارجہ کی حوثی ملیشیا کے خلاف فوجی کارروائی کیلئے عالمی حمایت کی اپیل

یمنی وزیر خارجہ افراح الزوبہ نے حوثی ملیشیا کے خلاف فوجی کارروائی کے لیے عالمی برادری سے بھرپور حمایت کی اپیل کی ہے۔ انہوں نے کہا ہے کہ یمنی عوام کو اپنی ریاست اور سلامتی بحال کرنے کا مکمل حق حاصل ہے اور حکومتی کارروائی کا مقصد ملک بھر میں ریاستی خودمختاری اور ہتھیاروں کو ریاستی کنٹرول میں لانا ہے۔ افراح الزوبہ نے واضح کیا کہ کشیدگی میں کمی اور پرامن حل کے تمام مواقع اب ختم ہو چکے ہیں کیونکہ حوثی ملیشیا طاقت کے بل بوتے پر عوام پر اپنی مرضی مسلط کر رہی ہے، اور ان کی کارروائیوں کے خطرات اب یمنی سرحدوں سے بھی آگے نکل چکے ہیں۔