صدر اور وزیراعظم کا قوم کی تعمیر میں اساتذہ کے کردار کو خراج تحسین

صدر مملکت آصف علی زرداری اور وزیراعظم محمد شہباز شریف نے عالمی یوم اساتذہ کے موقع پر اپنے الگ الگغ پیغامات میں قوم کی تعمیر، کردار سازی اور معیارِ تعلیم بہتر بنانے میں اساتذہ کے کلیدی کردار کو شاندار خراجِ تحسین پیش کیا ہے۔ صدر مملکت نے اساتذہ کی پیشہ ورانہ معاونت اور ترقی کے بہتر مواقع فراہم کرنے کی ضرورت پر زور دیا، جبکہ وزیراعظم شہباز شریف نے ملک بھر میں دانش اسکولوں کے قیام کا ذکر کرتے ہوئے کہا کہ ان اداروں کے ذریعے کمزور پس منظر کے حامل ذہین بچوں کو معیاری تعلیم فراہم کی جا رہی ہے کیونکہ نوجوان نسل کی بہتر تربیت اور تعلیم ملک کی ترقی کے لیے ناگزیر ہے۔