اچھا استاد معاشرے میں مثبت تبدیلیوں کی بنیاد رکھ سکتا ہے: مریم نواز

وزیرِ اعلیٰ پنجاب مریم نواز شریف نے اساتذہ کے عالمی دن پر اپنے خصوصی پیغام میں قابلِ احترام اساتذہ کو شاندار خراجِ تحسین پیش کرتے ہوئے کہا ہے کہ استاد کا مرتبہ اور عظمت لازوال ہے کیونکہ وہی طالب علم کو فرش سے عرش تک پہنچاتا ہے۔ انہوں نے کہا کہ اچھا استاد نہ صرف علم دیتا ہے بلکہ ادب، اخلاقی اقدار اور معاشرتی روایات سے بھی روشناس کرواتا ہے۔ مریم نواز شریف نے مزید بتایا کہ حکومت پنجاب معیاری تعلیم کے فروغ کے لیے نواز شریف سکول آف ایمیننس اور پرائمری ایجوکیشن اے آئی جیسے جدید پروگرام متعارف کرا رہی ہے، جبکہ اساتذہ کو انگلش بول چال اور انفارمیشن ٹیکنالوجی کی مفت تربیت بھی فراہم کی جا رہی ہے۔