سری لنکن کرکٹ ٹیم کی پاکستان کیخلاف ٹی ٹوئنٹی سیریز کیلئے پاکستان آمد

دورہ پاکستان کے لیے سری لنکا کرکٹ ٹیم کا پہلا 13 رکنی دستہ رات گئے اسلام آباد پہنچ گیا ہے، جہاں ائیرپورٹ پر مہمان کھلاڑیوں کا پرتپاک استقبال کیا گیا۔ اس دستے میں ٹی ٹوئنٹی اسکواڈ کے 8 کھلاڑی اور 5 ٹیم منیجمنٹ آفیشلز شامل ہیں، جبکہ بقیہ 5 کھلاڑی منگل کو پاکستان پہنچیں گے۔ دونوں ٹیموں کے درمیان تین ٹی ٹوئنٹی میچوں کی سیریز کا پہلا میچ جمعہ 9 اکتوبر کو راولپنڈی کرکٹ اسٹیڈیم میں کھیلا جائے گا، جبکہ بقیہ دو میچز 11 اور 13 اکتوبر کو اسی میدان پر ہوں گے۔ سری لنکن اسکواڈ کی قیادت کوشال مینڈس کریں گے۔