سرکاری حج سکیم کے تحت دوسری قسط کی وصولی کا آغاز

:

وفاقی وزارتِ مذہبی امور کے زیرِ انتظام سرکاری حج اسکیم کے تحت عازمینِ حج سے حج واجبات کی دوسری قسط کی وصولی کا عمل آج سے باقاعدہ طور پر شروع ہو گیا ہے۔ ترجمان وزارتِ مذہبی امور کے مطابق سرکاری حج اسکیم کے تحت منتخب ہونے والے تمام عازمینِ حج 5 اکتوبر سے 20 اکتوبر تک اپنے مقررہ بینکوں میں دوسری قسط جمع کروا سکتے ہیں۔

وزارتِ مذہبی امور نے واضح کیا ہے کہ عازمینِ حج کے لیے دوسری قسط جمع کروانے سے قبل اپنا مجاز میڈیکل فٹنس سرٹیفکیٹ پورٹل پر اپ لوڈ کرنا لازمی قرار دیا گیا ہے، جس کے بغیر قسط قبول نہیں کی جائے گی۔ ترجمان کا مزید کہنا تھا کہ مقررہ آخری تاریخ 20 اکتوبر تک قسط جمع نہ کرانے والے عازمین کی حج درخواست خود بخود منسوخ تصور کی جائے گی، اور درخواست منسوخی کی صورت میں اب تک جمع کرائے گئے واجبات متعلقہ عازم کے بینک اکاؤنٹ میں واپس منتقل کر دیے جائیں گے۔