حوثی ملیشیا سعودی تنصیبات پر حملے، عالمی منڈی میں خام تیل کی قیمتوں میں مزید اضافہ

حوثی ملیشیا کی جانب سے سعودی عرب کی اہم تیل تنصیبات پر ڈرون اور میزائل حملوں کے بعد عالمی منڈی میں خام تیل کی قیمتوں میں اچانک اور نمایاں اضافہ ہو گیا ہے۔ حملوں کے فوری بعد بین الاقوامی سرمایہ کاروں اور مارکیٹ میں شدید خدشات پیدا ہو گئے ہیں کہ ان تنازعات کی وجہ سے خطے کے سب سے بڑے تیل برآمد کنندہ ملک سعودی عرب کی پیداواری صلاحیت اور سپلائی لائن شدید متاثر ہو سکتی ہے۔

عالمی خبر رساں ادارے رائٹرز کے مطابق منڈی میں برینٹ خام تیل کی قیمت بڑھ کر 103 ڈالر فی بیرل تک پہنچ گئی ہے، جبکہ امریکی خام تیل (WTI) کی قیمت بھی 91 ڈالر فی بیرل سے تجاوز کر گئی۔ اسی طرح متحدہ عرب امارات کے ‘مربن کروڈ آئل’ (Murban Crude) کی قیمت بھی 111 ڈالر فی بیرل کی سطح کو چھو گئی، تاہم دوسری جانب قدرتی گیس کی قیمتوں میں معمولی کمی ریکارڈ کی گئی ہے۔