امریکی سینیٹر کرس مرفی کا ایران کیساتھ سفارتی ڈیل پر توجہ دینے پر زور

امریکی ڈیموکریٹک سینیٹر کرس مرفی نے اپنے مشرقِ وسطیٰ کے حالیہ دورے کے بعد سوشل میڈیا پلیٹ فارم ‘ایکس’ پر جاری ایک بیان میں ایران کے ساتھ سفارتی معاہدے اور مذاکرات پر توجہ مرکوز کرنے کی ضرورت پر زور دیا ہے۔ سینیٹر کرس مرفی نے قطر میں امریکی اور ایرانی سفارت کاری کے کوآرڈینیٹر علی الثوادی کے ساتھ اپنی طویل و تفصیلی ملاقات کا احوال شیئر کرتے ہوئے بتایا کہ اس وقت ایران کے ساتھ ایک نیا اور پائیدار سفارتی معاہدہ مکمل طور پر ممکن اور قابلِ عمل ہے۔

سینیٹر کرس مرفی نے امریکی انتظامیہ پر زور دیا کہ واشنگٹن کو خطے میں دوبارہ فوجی حملے اور جارحانہ کارروائیاں شروع کرنے کی بجائے سفارتی حل اور معاہدے کی ترجیح کو مقدم رکھنا چاہیے۔ خطے میں جاری دباؤ اور ماضی کی ناکام امن کوششوں پر تنقید کرتے ہوئے انہوں نے کہا کہ باہمی دشمنی اور کشیدگی کو دوبارہ ہوا دینے کے مقابلے میں سنجیدہ بات چیت کے ذریعے امن کا قیام ہی اس وقت سب سے زیادہ اہم، دانشمندانہ اور واحد راستہ ہے۔