اسلام آباد پر چڑھائی کرنے والے کس کا ایجنڈا پورا کرنا چاہتے ہیں؟ احسن اقبال

وفاقی وزیر منصوبہ بندی احسن اقبال نے اپنے آبائی حلقے نارووال میں ایک تقریب سے خطاب کرتے ہوئے کہا ہے کہ پاکستان اس وقت مشکل حالات سے نکل کر امن اور معاشی بحالی کی راہ پر گامزن ہے، اور سال 2027 ملک کے لیے ترقی کی نئی بلندیوں کا سال ہوگا۔ انہوں نے اسلام آباد پر چڑھائی کرنے والوں سے سوال کیا کہ وہ کس کا ایجنڈا پورا کرنا چاہتے ہیں؟ احسن اقبال نے دوٹوک الفاظ میں کہا کہ ریاست میں قانون کی بالادستی ناگزیر ہے اور کوئی بھی لانگ مارچ یا احتجاج جرائم میں ملوث افراد کو قانون کے کٹہرے سے نہیں بچا سکتا۔