ورلڈکپ 2027: پاکستان اور بھارت کو پھر ایک ہی گروپ میں رکھنے کا امکان

آئی سی سی کرکٹ ورلڈ کپ 2027 کے حوالے سے اہم پیشرفت سامنے آئی ہے، جہاں روایتی حریف پاکستان اور بھارت کو ایک بار پھر ورلڈ کپ کے ایک ہی گروپ میں رکھے جانے کا قوی امکان ظاہر کیا جا رہا ہے۔

میڈیا رپورٹس کے مطابق اگرچہ ورلڈ کپ میچز میں پاکستان کا بھارت کے خلاف مجموعی ریکارڈ زیادہ متاثر کن نہیں رہا، تاہم کمرشل پارٹنرز اور براڈ کاسٹرز کے اصرار پر دونوں ٹیموں کو گروپ مرحلے میں ہی آمنے سامنے رکھنے کا فیصلہ کیا گیا ہے کیونکہ کرکٹ کے تجارتی حلقے پاک بھارت مقابلے کو ٹورنامنٹ کی جان اور انتہائی اہم سمجھتے ہیں۔

آئی سی سی کرکٹ ورلڈ کپ 2027 کے آفیشل شیڈول کی باضابطہ رونمائی کل کیپ ٹاؤن میں کی جائے گی، جو پاکستانی وقت کے مطابق رات 9 بجے ہوگی۔ واضح رہے کہ 14 ٹیموں پر مشتمل یہ بڑا میگا ایونٹ آئندہ برس 2 اکتوبر سے 21 نومبر 2027 تک جنوبی افریقا، نمیبیا اور زمبابوے کی مشترکہ میزبانی میں کھیلا جائے گا، جبکہ یکم اکتوبر سے ورلڈ کپ کے لیے باضابطہ طور پر ایک سال کا کاؤنٹ ڈاؤن بھی شروع ہو جائے گا۔