بلوچستان میں ایک روز کے لیے ٹرین سروس مکمل معطل

بلوچستان میں ایک روز کے لیے ٹرین سروس مکمل طور پر معطل رکھنے کا فیصلہ کر لیا گیا ہے۔ محکمہ ریلوے کی جانب سے اس حوالے سے باقاعدہ اعلامیہ جاری کر دیا گیا ہے۔

اعلامیے کے مطابق آج بلوچستان میں تمام ٹرینوں کی آمد و رفت بند رہے گی۔ اس فیصلے کے تحت بلوچستان سے اندرونِ ملک چلنے والی ٹرین سروس بھی ایک روز کے لیے معطل کر دی گئی ہے۔

ریلوے حکام کے مطابق جعفر ایکسپریس، بولان میل اور چمن پسنجر روانہ نہیں ہوں گی، جبکہ پشاور سے آنے والی جعفر ایکسپریس بھی کل کوئٹہ نہیں پہنچے گی۔

ریلوے حکام کا کہنا ہے کہ سروس کی معطلی عارضی ہے اور صورتحال بہتر ہوتے ہی ٹرین آپریشن بحال کر دیا جائے گا۔