سرجانی ٹاؤن میں ماں اور بچوں کے لرزہ خیز قتل کا ڈراپ سین
Web Desk
17 September 2026
کراچی کے علاقے سرجانی ٹاؤن میں پیش آنے والے دلخراش اور لرزہ خیز قتل کی واردات کا ڈراپ سین ہو گیا ہے۔ ڈی آئی جی ویسٹ عرفان بلوچ نے پریس کانفرنس کرتے ہوئے بتایا کہ پولیس نے جدید اور پیشہ ورانہ تحقیقات کے بعد اندھے قتل کی اس واردات میں ملوث مرکزی ملزم ہمایوں کو گرفتار کر لیا ہے۔ گرفتار ملزم مقتولہ مہوش کے شوہر دانش کا بہنوئی ہے اور ماضی میں انہی کے گھر کے اوپری پورشن میں بطور کرایہ دار رہائش پذیر تھا، تاہم مقتولہ پر غلط نیت اور بری نظر رکھنے کی وجہ سے شوہر نے اسے گھر سے نکال دیا تھا۔
ڈی آئی جی ویسٹ کے مطابق واردات کے روز مقتولہ کا شوہر ‘لکی ون’ مال میں اپنی ملازمت پر موجود تھا جس کی عدم موجودگی کا فائدہ اٹھاتے ہوئے ملزم گھر پہنچا۔ مقتولہ نے معمول کے مطابق اسے چائے پلائی اور ملزم بازار سے کچھ ضروری سامان بھی لا کر دیا۔ تاہم بعد ازاں ملزم نے مقتولہ کے ساتھ زبردستی کرنے کی کوشش کی، جس پر خاتون نے شدید مزاحمت کی۔ ملزم نے پاس پڑی لوہے کی راڈ سے مقتولہ کے سر پر وار کر کے اسے قتل کر دیا، جبکہ پاس روتی ہوئی ۱۸ ماہ کی معصوم بچی کا سر دیوار سے دے مارا۔ اس دوران مدرسے سے لوٹنے والے دیگر معصوم بچوں نے جب ماں کی لاش دیکھ کر رونا شروع کیا تو ملزم نے انتہائی بے دردی سے انہیں بھی اسی لوہے کی راڈ سے قتل کر دیا۔
پولیس حکام نے بتایا کہ ملزم دوپہر ڈیڑھ بجے سے شام ۶ بجے تک گھر میں ہی موجود رہا، جہاں اس نے واش روم میں خود کو صاف کیا، آلہِ قتل دھویا اور جائے وقوعہ سے ثبوت مٹانے کی کوشش کی۔ واردات کے بعد نیو کراچی کا رہائشی ملزم جائے وقوعہ پر ان جانا بن کر پہنچا اور پولیس کی نقل و حرکت پر نظر رکھتا رہا۔ تحقیقات سے ثابت ہوا ہے کہ یہ مکمل منصوبہ بند کارروائی تھی کیونکہ ملزم نے اس روز کام سے چھٹی کی، اپنا موبائل فون بند کیا اور اپنی موٹر سائیکل گھر چھوڑ کر چنگچی رکشے میں آیا۔ ملزم نے اعترافِ جرم کر لیا ہے جبکہ نالے میں پھینکا گیا آلہِ قتل برآمد کرنے کے لیے پولیس ٹیمیں کارروائی کر رہی ہیں۔
متعلقہ عنوانات
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار
16 November 2026
غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم
16 November 2026
ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع
16 November 2026
ورلڈ پولیس سمٹ 2026ء، پنجاب سیف سٹیز اتھارٹی کے سربراہ 2 اہم سیشنز سے خطاب کریں گ
16 November 2026
بھارت نے جعلی فالس فلیگ آپریشن کے ذریعے پاکستان کو بدنام کرنے کی کوشش کی: ملک احمد خان
16 November 2026
مریم نواز کے گلف سٹریم طیارے کے اخراجات بڑھ گئے، اضافی بجٹ منظور
16 November 2026