LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار یمنی حکومتی فورسز کا باب المندب کے علاقے سے انخلا کا اعلان غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم پاکستان سٹاک مارکیٹ میں کاروبار کا مثبت رحجان ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا ٹرمپ کی قدامت پسند ججوں کی تقرری کی کوششوں کو ریپبلکن سینیٹرز کی مخالفت کا سامنا امریکا میں فضائی آپریشن تیسرے روز بھی متاثر، 5 ہزار زائد پروازیں منسوخ یا تاخیر کا شکار مقبوضہ مغربی کنارے میں اسرائیلی فوج کے چھاپے، 2 فلسطینی بھائی گرفتار، 4 افراد زخمی مکہ اور مدینہ کی جانب بھیجے گئے حوثیوں کے 3 ڈرونز تباہ کر دیے، ترکی المالکی ابوظہبی: بچوں میں کاروباری و تخلیقی صلاحیتیں اجاگر کرنے والا ہوامیر فریجنا فیسٹیول اختتام پذیر ورلڈ پولیس سمٹ 2026ء، پنجاب سیف سٹیز اتھارٹی کے سربراہ 2 اہم سیشنز سے خطاب کریں گ

ورلڈ پولیس سمٹ 2026ء، پنجاب سیف سٹیز اتھارٹی کے سربراہ 2 اہم سیشنز سے خطاب کریں گ

Web Desk

16 November 2026

متحدہ عرب امارات کے شہر دبئی میں 16 سے 18 نومبر تک منعقد ہونے والی عالمی پولیس سربراہی کانفرنس ’ورلڈ پولیس سمٹ 2026ء‘ میں پاکستان کے صوبہ پنجاب کی نمائندگی بھی ہوگی، جس کے لیے پنجاب سیف سٹیز اتھارٹی کے منیجنگ ڈائریکٹر (ایم ڈی) محمد احسن یونس کو کانفرنس کے دو اہم سیشنز میں بطور مقرر مدعو کیا گیا ہے۔

دبئی ورلڈ ٹریڈ سینٹر میں منعقد ہونے والے اس تین روزہ عالمی اجلاس میں دنیا بھر سے پولیس سربراہان، قانون نافذ کرنے والے اداروں کے اعلیٰ حکام، سیکیورٹی ماہرین اور جدید ٹیکنالوجی سے وابستہ نامور شخصیات شرکت کریں گی۔ ورلڈ پولیس سمٹ کے جاری کردہ سرکاری ایجنڈے کے مطابق ایم ڈی پنجاب سیف سٹیز اتھارٹی محمد احسن یونس 17 نومبر کو سہ پہر 3 بج کر 40 منٹ پر پنجاب کے مربوط ڈیجیٹل حفاظتی نظام کے موضوع پر خصوصی سیشن سے خطاب کریں گے۔ اس موقع پر پنجاب سیف سٹیز اتھارٹی کے جدید سیکیورٹی انفراسٹرکچر، ڈیجیٹل ٹیکنالوجی کے مؤثر استعمال اور عوامی تحفظ کے لیے کیے گئے انقلابی اقدامات کو عالمی شرکا کے سامنے پیش کیا جائے گا، جبکہ سیشن میں مختلف سیکیورٹی اداروں کے درمیان ڈیجیٹل رابطوں اور ٹیکنالوجی کے ذریعے عوامی تحفظ کو مزید بہتر بنانے کے امور پر بھی تفصیلی روشنی ڈالی جائے گی۔

اسی روز شام 4 بج کر 30 منٹ پر محمد احسن یونس پولیس افسران اور ان کے خاندانوں کی فلاح و بہبود سے متعلق ایک اور اہم بین الاقوامی سیشن میں شریک ہوں گے۔ اس خصوصی مباحثے میں برطانیہ سے تعلق رکھنے والے سابق رائل میرینز کمانڈو اور معروف مصنف گیرتھ ٹمنز بھی شرکت کریں گے، جبکہ دبئی پولیس کے فرانزک سائیکالوجی ماہر لیفٹیننٹ عبداللہ المطروشی سیشن کی نظامت کے فرائض انجام دیں گے۔ گفتگو کے دوران پولیس اہلکاروں کی ذہنی و جسمانی فلاح و بہبود اور ان کی پیشہ ورانہ زندگی کو درپیش چیلنجز کے مختلف پہلوؤں کا باریک بینی سے جائزہ لیا جائے گا۔

واضح رہے کہ ورلڈ پولیس سمٹ 2026 متحدہ عرب امارات کے نائب صدر، وزیراعظم اور دبئی کے حکمران شیخ محمد بن راشد آل مکتوم کی سرپرستی میں دبئی پولیس کی میزبانی میں منعقد ہو رہی ہے۔ اس عالمی کانفرنس میں 90 سے زائد ممالک کے نمائندوں اور 220 سے زیادہ عالمی رہنماؤں کی شرکت متوقع ہے، جہاں تین روزہ اجلاس کے دوران مصنوعی ذہانت (اے آئی)، سائبر جرائم، جدید پولیسنگ، عوامی تحفظ، منظم جرائم کی روک تھام اور بین الاقوامی سیکیورٹی تعاون سمیت اہم موضوعات پر تبادلہ خیال کیا جائے گا۔ ماہرین کے مطابق محمد احسن یونس کی بطور مقرر شرکت پاکستان اور بالخصوص پنجاب میں جدید پولیسنگ اور عوامی تحفظ کے لیے ٹیکنالوجی کے کامیاب استعمال کو عالمی سطح پر متعارف کرانے کا ایک سنہری موقع فراہم کرے گی۔