پاکستان سٹاک مارکیٹ میں کاروبار کے دوران منفی رجحان برقرار

کراچی: پاکستان اسٹاک ایکسچینج (PSX) میں منفی رجحان اور مندی کا سلسلہ مسلسل چوتھے روز بھی برقرار ہے، جس کے دوران کے ایس ای 100 انڈیکس میں ایک ہزار سے زائد پوائنٹس کی بڑی کمی ریکارڈ کی گئی ہے۔

کاروباری ہفتے کے چوتھے روز (جمعرات) کے دوران مارکیٹ پر شدید دباؤ دیکھا گیا، جس کے نتیجے میں کے ایس ای 100 انڈیکس 1,000 سے زائد پوائنٹس کی نمایاں کمی کے ساتھ 1,70,762 پوائنٹس کی سطح پر نیچے آ گیا۔

واضح رہے کہ گزشتہ کاروباری روز کے اختتام پر بھی اسٹاک مارکیٹ میں شدید سست روی اور مندی دیکھی گئی تھی، جہاں 100 انڈیکس 698 پوائنٹس کی کمی کے بعد 1,71,943 پوائنٹس کی سطح پر بند ہوا تھا۔ سرمایہ کاروں کے مطابق خطے کی موجودہ تناؤ پر مبنی صورتحال اور عالمی مارکیٹس میں غربی و معاشی خدشات کے باعث مقامی شیئرز مارکیٹ میں مسلسل فروخت کا دباؤ برقرار ہے۔