امریکا اور اسرائیل جنگ کے ذریعے ایران کو تقسیم کرنیکی کوشش کر رہے: مسعود پزشکیان

ایران کے صدر مسعود پزشکیان نے ایک اعلیٰ سطحی بیان میں کہا ہے کہ امریکہ اور اسرائیل جاری جنگ، معاشی محاصرے اور سخت پابندیوں کے ذریعے ایرانی عوام کے درمیان انتشار اور تقسیم پیدا کرنے کی ناکام کوششیں کر رہے ہیں۔ ایرانی سرکاری خبر رساں ادارے کی رپورٹ کے مطابق، صدر مسعود پزشکیان نے عزم ظاہر کیا کہ ایرانی قوم اپنے باہمی اتحاد، قومی ہمدردی اور لازوال یکجہتی کی طاقت سے دشمن کی ان تمام سازشوں کو خاک میں ملا دے گی۔ انہوں نے واضح کیا کہ دشمنوں کے خطرناک منصوبوں اور عزائم کا واحد مؤثر توڑ مضبوط قومی اتحاد اور آپسی ہم آہنگی ہے۔