امریکا کیلئے مناسب لائحہ عمل یہ ہے کہ وہ خطے سے انخلا کرے، ترجمان ایرانی فوج

یرانی فوج کے ترجمان بریگیڈیئر جنرل اکرمی نیا نے ایک اہم بیان جاری کرتے ہوئے کہا ہے کہ خطے میں معاشی اور عسکری بحران سے بچنے کے لیے امریکہ کے لیے سب سے زیادہ مناسب اور عقلمندانہ لائحہ عمل یہ ہے کہ وہ مشرقِ وسطیٰ سے اپنی تمام افواج کا فوری انخلا کرے۔ انہوں نے واضح کیا کہ خطے میں امریکی افواج کو جن شدید مشکلات اور خطرات کا سامنا ہے، ان کی بنیادی جڑ واشنگٹن انتظامیہ اور امریکی حکام کی مسلسل تاریخی غلطیاں ہیں۔ ترجمان کا کہنا تھا کہ امریکہ کے لیے وقت آ گیا ہے کہ وہ زمینی حقائق کو کھلے دل سے تسلیم کرے اور خودمختار اقوام پر قبضہ یا جارحیت کی ناکام پالیسیوں کا خاتمہ کرے۔