امریکا چاہتا ہے مڈٹرم الیکشن تک جنگ جاری رہے: برطانوی میڈیا

برطانوی خبر ایجنسی نے اپنی ایک خصوصی رپورٹ میں دعویٰ کیا ہے کہ امریکہ نومبر میں ہونے والے اپنے وسط مدتی (مڈٹرم) انتخابات تک ایران کے خلاف جاری جنگ کو برقرار رکھنا چاہتا ہے۔ رپورٹ کے مطابق امریکی صدر ڈونلڈ ٹرمپ کے مشیر اور معاونین الیکشن تک ایران کے ساتھ کشیدگی جاری رکھ کر ریپبلکن پارٹی کو سیاسی نقصان اور متوقع شکست سے بچانے کی حکمتِ عملی پر گامزن ہیں۔ برطانوی میڈیا نے یہ انکشاف بھی کیا کہ نومبر کے انتخابات مکمل ہونے کے فوراً بعد ایران پر عسکری حملوں کی شدت میں مزید اضافہ کیے جانے کا امکان ہے، جبکہ فی الوقت ٹرمپ انتظامیہ کی تمام تر کوشش الیکشن کے انعقاد تک ایران پر معاشی اور سفارتی دباؤ کو انتہائی سطح پر برقرار رکھنے پر مرکوز ہے۔