امریکی حملوں میں شہید شہریوں کے خون کا حساب لیا جائے گا: پاسداران انقلاب

ایرانی پاسدارانِ انقلاب (IRGC) کے کمانڈر میجر جنرل احمد وحیدی نے کہا ہے کہ امریکی افواج کے حملوں میں جاں بحق ہونے والے بے گناہ ایرانی شہریوں کا خون کبھی رائیگاں نہیں جائے گا اور اس کا پورا حساب لیا جائے گا۔ ایرانی میڈیا کے مطابق انہوں نے جنوبی ایران میں ایک شادی کی تقریب پر ہونے والے امریکی میزائل حملے کی سخت الفاظ میں مذمت کی اور اسے شدید برہمی کا اظہار کیا۔

میجر جنرل احمد وحیدی نے کہا کہ شادی کی تقریب میں شریک معصوم خواتین، بچوں اور مردوں کو نشانہ بنانا امریکہ کی شدید دشمنی، بوکھلاہٹ اور بے بسی کا کھُلا ثبوت ہے۔ انہوں نے واضح کیا کہ ایرانی قوم کے خلاف اس قسم کی ظالمانہ کارروائیاں عوام کے عزم، پائیداری اور مزاحمتی جذبے کو کسی صورت کمزور نہیں کر سکتیں۔ رپورٹس کے مطابق اس حملے میں متعدد شہری ہلاک اور زخمی ہوئے ہیں، جبکہ امریکی فوجی ترجمان کا مؤقف ہے کہ ان کی کارروائیوں کا ہدف صرف ایرانی فوجی تنصیبات اور اہداف تھے۔