اقوام متحدہ کا ایران میں شادی کی تقریب پر حملے پر تشویش کا اظہار

اقوام متحدہ کے سیکرٹری جنرل انتونیو گوٹیرش نے امریکہ اور ایران کی جانب سے ایک دوسرے پر کیے جانے والے حالیہ حملوں اور ان کے نتیجے میں ہونے والی شہری ہلاکتوں پر گہری تشویش کا اظہار کیا ہے۔ اقوام متحدہ کے ترجمان سٹیفن دوجارک نے پریس بریفنگ کے دوران بتایا کہ سیکرٹری جنرل نے شادی کی ایک تقریب پر حملے سمیت تمام شہری ہلاکتوں کی مذمت کرتے ہوئے واضح کیا کہ شہریوں پر حملے کسی صورت قابلِ قبول نہیں ہیں۔ انہوں نے تمام فریقین پر زور دیا کہ وہ انتہائی ضبط و تحمل کا مظاہرہ کریں، بین الاقوامی انسانی قوانین کی پاسداری کریں اور کشیدگی بڑھانے والے اقدامات سے گریز کریں۔ سیکرٹری جنرل نے اعادہ کیا کہ اس بحران کا کوئی فوجی حل ممکن نہیں، اور تمام فریقین کو تاخیر کیے بغیر سفارت کاری و مذاکرات کی راہ اپنا نی چاہیے۔