میری ٹائم اتحاد میں شمولیت کیلئے ضروری مراحل مکمل کر لیے گئے، سعودی وزارت دفاع

سعودی وزارتِ دفاع نے اعلان کیا ہے کہ بین الاقوامی میری ٹائم اتحاد میں شمولیت کے لیے تمام رکن ممالک کے رابطہ افسران نے ضروری مراحل مکمل کر لیے ہیں اور یہ اتحاد اب باقاعدہ عملی آپریشنز اور مشترکہ دفاعی تعاون کے مرحلے میں داخل ہو گیا ہے۔ بیان کے مطابق اتحاد کی قیادت کے تعین، تنظیمی ڈھانچے، ہیڈکوارٹرز اور آپریشنل نظام کی منظوری سمیت تمام انتظامی مراحل بحسن و خوب طے پا گئے ہیں، جبکہ دیگر افسران کی تعیناتی بھی طے شدہ تعداد کے مطابق مرحلہ وار مکمل کی جائے گی۔ اس میری ٹائم اتحاد کا بنیادی مقصد اہم سمندری راستوں کا تحفظ، مشترکہ بحری سلامتی کا فروغ، عالمی تجارتی و سپلائی چین کی روانی کو یقینی بنانا اور رکن ممالک کے درمیان دفاعی صلاحیتوں اور تعاون کو مزید مضبوط بنانا ہے۔