روس کا 24 گھنٹوں میں 1,330 یوکرینی فوجیوں کی ہلاکت، 2 اہم علاقوں پر کنٹرول کا دعویٰ

روسی وزارتِ دفاع نے دعویٰ کیا ہے کہ گزشتہ 24 گھنٹوں کے دوران مختلف محاذوں پر ہونے والی شدید لڑائی میں یوکرینی فوج کے تقریباً 1,330 اہلکاروں کا نقصان ہوا ہے، جبکہ روسی افواج نے خارکوف ریجن میں کازاچیا لوپان اور ڈونیسک میں سویاتوگورسک کا کنٹرول مکمل طور پر حاصل کر لیا ہے۔ ترجمان کے مطابق روسی ایئرفورس، ڈرونز اور میزائل فورسز نے 152 مقامات پر فوجی ہوائی اڈوں، ایندھن کی تنصیبات اور ڈرون مینوفیکچرنگ مراکز سمیت کیف اور اوڈیسا میں واقع لاجسٹکس ہبز کو گیران-4 ڈرونز سے کامیابی سے نشانہ بنایا۔ مزید برآں، روسی ایئر ڈیفنس نے 464 یوکرینی ڈرونز اور امریکی ساختہ ہمارز (HIMARS) سسٹمز کے 2 راکٹس کو بھی فضامیں تباہ کرنے کا دعویٰ کیا ہے۔