ایرانی بارڈر گارڈز نے سمگل شدہ ایندھن لے جانے والا بحری جہاز قبضے میں لے لیا

یرانی بارڈر گارڈز نے شمالی خلیج فارس میں ایک کامیاب کارروائی کرتے ہوئے غیر قانونی طور پر ایندھن منتقل کرنے والے ایک بحری جہاز کو تحویل میں لے لیا ہے۔ خبر ایجنسی کے مطابق اس عملیات کے دوران جہاز پر لادا گیا 3 لاکھ 82 ہزار لیٹر سمگل شدہ ایندھن برآمد کیا گیا، جبکہ جہاز کے عملے میں شامل 11 غیر ملکی ارکان کو حراست میں لے لیا گیا ہے۔ ایرانی سرکاری نشریاتی ادارے نے تصدیق کی ہے کہ حراست میں لیے گئے افراد کے خلاف قانونی کارروائی شروع کر دی گئی ہے، تاہم ان غیر ملکی باشندوں کی شہریت کے حوالے سے مزید تفصیلات فی الحال جاری نہیں کی گئیں۔