امریکی حملوں کے جواب میں ایران کی شدید جوابی کارروائی کی دھمکی

امریکی فضائی حملوں کے جواب میں ایرانی مسلح افواج اور خاتم الانبیاء مرکزی ہیڈ کوارٹر نے مشترکہ بیان جاری کرتے ہوئے شدید اور فیصلہ کن جوابی کارروائی کی دھمکی دی ہے۔ بیان میں کہا گیا ہے کہ سیستان، بلوچستان اور ہرمزگان پر ہونے والے امریکی حملوں کا بھرپور جواب دیا جائے گا اور اگر خطے میں امریکی افواج نے کارروائیاں جاری رکھیں تو انہیں مزید بھاری نقصان اٹھانا پڑے گا۔ دوسری جانب، پاسدارانِ انقلاب کے سیاسی نائب جنرل یداللہ جوانی نے کویت، بحرین اور اردن بالخصوص عرب ممالک سے مطالبہ کیا ہے کہ وہ اپنی سرزمین سے امریکی عسکری اڈے ختم کر دیں، بصورتِ دیگر ایران پر حملوں کے لیے استعمال ہونے والے کسی بھی مقام یا اڈے کو شدید فوجی کارروائی کا نشانہ بنایا جا سکتا ہے۔