عالمی منڈی میں خام تیل کی قیمتوں میں مزید ایک فیصد اضافہ ریکارڈ

امریکہ اور ایران کے درمیان فوجی حملوں کے تبادلے اور بڑھتی ہوئی علاقائی کشیدگی کے بعد عالمی منڈی میں خام تیل کی قیمتوں میں ابتدائی کاروبار کے دوران مزید ایک فیصد اضافہ ریکارڈ کیا گیا ہے۔ خبر ایجنسی کے مطابق برینٹ خام تیل کی قیمت 87 سینٹ (0.92 فیصد) اضافے کے ساتھ 95.52 ڈالرز فی بیرل پر پہنچ گئی ہے۔ اسی طرح امریکی ویسٹ ٹیکساس انٹرمیڈیٹ (WTI) خام تیل کی قیمت میں بھی 80 سینٹ (0.89 فیصد) کا اضافہ دیکھا گیا جس کے بعد اس کی قیمت 91.02 ڈالرز فی بیرل ہو گئی ہے۔