ایئر ڈیفنس نے فضائی حدود میں داخل ہونے والے میزائلوں کو ناکام بنا دیا: اردن

اردن کی مسلح افواج نے اعلان کیا ہے کہ ان کے ایئر ڈیفنس سسٹم نے ملک کی فضائی حدود میں داخل ہونے والے 13 بیلسٹک میزائلوں کا مقابلہ کرتے ہوئے 10 کو فضا میں ہی تباہ کر دیا، جبکہ 3 میزائل آبادی سے دور غیر مسکون علاقوں میں گرے۔ خبر ایجنسی کے مطابق اس کارروائی کے نتیجے میں اردن میں قائم امریکی عسکری تنصیبات پر کسی جانی نقصان کی اطلاع نہیں ملی۔ واضح رہے کہ اس سے قبل ایرانی پاسدارانِ انقلاب نے دعویٰ کیا تھا کہ اردن میں امریکی عسکری کیمپ کو نشانہ بنا کر متعدد امریکی فوجیوں کو ہلاک کر دیا گیا ہے جبکہ کیمپ میں موجود دفاعی تنصیبات اور ہیلی کاپٹرز کو بھی نقصان پہنچایا گیا ہے۔