ایران کے جوابی حملے، اردن میں امریکی اڈے کو بیلسٹک میزائلوں سے نشانہ بنانے کا دعویٰ

امریکی کارروائی کے جواب میں ایران نے خطے میں قائم امریکی عسکری اڈوں پر میزائلوں اور ڈرونز سے شدید جوابی حملے شروع کر دیے ہیں۔ ایرانی میڈیا کے مطابق پاسدارانِ انقلاب نے بحرین میں امریکی اڈے پر بڑے پیمانے پر ڈرون حملے کیے جبکہ اردن میں قائم امریکی اڈے کو بیلسٹک میزائل سے نشانہ بناتے ہوئے متعدد امریکی فوجیوں کی ہلاکت کا دعویٰ کیا ہے۔ دوسری جانب اردن نے تصدیق کی ہے کہ اس کی فضائی حدود میں 13 بیلسٹک میزائل داخل ہوئے جن میں سے 10 کو فضا میں ہی تباہ کر دیا گیا جبکہ 3 غیر آباد علاقوں میں گرے۔ پاسدارانِ انقلاب نے اپنے بیان میں امریکی پیش قدمی پر انتباہ دیتے ہوئے کہا کہ امریکا کو اپنے ان نئے حملوں پر شدید پچھتاوا ہوگا۔