پاکستان کے عرفان محسود نے 10 کلو وزن کیساتھ ایک منٹ میں 38 ون ہینڈ پنچز لگا کر ورلڈ ریکارڈ قائم کر دیا

پاکستان کے نامور مارشل آرٹسٹ عرفان محسود نے 10 کلوگرام وزن کے ساتھ ایک منٹ میں 38 مکمل ون ہینڈ پنچز لگا کر ایک اور گنیز ورلڈ ریکارڈ اپنے نام کر لیا ہے۔ گنیز ورلڈ ریکارڈز نے اس کارنامے کی باضابطہ تصدیق کرتے ہوئے سرٹیفکیٹ جاری کر دیا ہے، جس کے مطابق انہوں نے یہ ریکارڈ ڈیرہ اسماعیل خان میں قائم کیا۔ عرفان محسود نے بتایا کہ گنیز ورلڈ ریکارڈز کی جانب سے انہیں 30 پنچز کا ہدف ملا تھا لیکن انہوں نے 38 پنچز لگا کر کامیابی حاصل کی۔ واضح رہے کہ وہ اس سے قبل امریکہ، بھارت اور جرمنی سمیت 20 سے زائد ممالک کے ایتھلیٹس کے ریکارڈ توڑ چکے ہیں جبکہ صرف پش اپس کی کیٹیگری میں ان کے عالمی ریکارڈز کی تعداد 70 تک پہنچ چکی ہے۔