آبنائے ہرمز پر مکمل کنٹرول، امریکا جہازوں کو غلط ضمانتیں دے رہا ہے: ایران

ایرانی پارلیمنٹ کے اسپیکر اور چیف مذاکرات کار محمد باقر قالیباف نے دعویٰ کیا ہے کہ ایران آبنائے ہرمز پر مکمل کنٹرول رکھتا ہے اور اس کی ناکہ بندی ختم کرنے کی اجازت نہیں دے گا۔ ویڈیو پیغام میں محمد باقر قالیباف نے کہا کہ امریکا جہازوں کو جنوبی راستے سے آبنائے ہرمز عبور کرنے کی غلط ضمانتیں دے رہا ہے اور جو بحری جہاز اس راستے سے گزرنے کی کوشش کر رہے ہیں انہیں نشانہ بنایا جا رہا ہے۔ انہوں نے امریکی بحری ناکہ بندی کو فوجی اقدام قرار دیتے ہوئے خبردار کیا کہ اگر ناکہ بندی میں مزید سختی کی گئی تو ایران کا جواب بھی فوجی ہوگا، نیز انہوں نے واضح کیا کہ اگر امریکا نے خلیج سے ایرانی تیل کی برآمدات روکنے کی کوشش کی تو پھر خطے کا کوئی بھی ملک تیل برآمد نہیں کر سکے گا۔