شنگھائی تعاون تنظیم ابھرتی ہوئی کثیر قطبی دنیا کا آزاد اور بااثر مرکز بن چکی ہے، صدر پوتن

روس کے صدر ولادیمیر پوتن نے کہا ہے کہ شنگھائی تعاون تنظیم (ایس سی او) گزشتہ 25 برسوں کے دوران مسلسل ترقی کرتے ہوئے ابھرتی ہوئی کثیر قطبی دنیا کے آزاد اور انتہائی بااثر مراکز میں شامل ہو چکی ہے۔ بشکیک میں شنگھائی تعاون تنظیم کے سربراہی اجلاس سے خطاب کرتے ہوئے انہوں نے یاد دہانی کرائی کہ یہ تنظیم 2001 میں روس، چین، قازقستان، تاجکستان، کرغزستان اور ازبکستان کی مشترکہ کوششوں سے قائم کی گئی تھی جو آج نہ صرف یوریشیائی براعظم بلکہ دنیا کی سب سے بڑی علاقائی تنظیم بن چکی ہے۔ صدر پوتن کا مزید کہنا تھا کہ ایس سی او کی موجودہ مضبوطی اس بات کی واضح عکاسی کرتی ہے کہ عالمی نظام تیزی سے کثیر قطبی سمت میں آگے بڑھ رہا ہے۔