صدر پوتن کی ایرانی ہم منصب مسعود پزشکیان سے ملاقات، دوطرفہ امور پر تبادلہ خیال

بشکیک: روس کے صدر ولادیمیر پوتن نے شنگھائی تعاون تنظیم (SCO) کے سربراہی اجلاس کے موقع پر ایرانی صدر مسعود پزشکیان سے اہم دوطرفہ ملاقات کی۔

یہ ملاقات شنگھائی تعاون تنظیم کے اجلاس کی مختلف مصروفیتوں کے بعد صدر پوتن کی آج کے دن ہونے والی دوطرفہ ملاقاتوں کے سلسلے کی پہلی باضابطہ نشست تھی۔ اس اہم اجلاس میں صدر پوتن کے ساتھ روس کے ایک انتہائی اعلیٰ سطحی سیاسی و معاشی وفد نے شرکت کی، جس میں روسی وزیر خارجہ سرگئی لاوروف، نائب وزیراعظم الیکسی اوورچوک، صدارتی انتظامیہ کے نائب سربراہ میکسم اوریشکن، کریملن کے ترجمان دیمتری پیسکوف اور صدارتی معاون یوری اوشاکوف شامل تھے۔

روسی وفد میں دفاعی، توانائی اور تجارتی شعبوں کے حکام بھی شامل تھے، جن میں وزیر ٹرانسپورٹ آندرے نکیتن، وزیر اقتصادی ترقی میکسم ریشیتنیکوف، وزیر توانائی سرگئی تسیویلیوف، وفاقی ادارہ برائے فوجی و تکنیکی تعاون کے سربراہ دیمتری شوگایف، روسی ڈائریکٹ انویسٹمنٹ فنڈ کے سربراہ کریل دمترییف اور روس اٹام (Rosatom) کے چیف الیکسی لیخاچیوف نے نمائندگی کی۔ ملاقات میں دونوں ممالک کے مابین اقتصادی، دفاعی، ایٹمی اور توانائی کے شعبوں میں تعاون بڑھانے کے عزم کو دہرایا گیا۔