ایران کی حملوں کیلئے سرزمین دینے والے ممالک کو بھی نشانہ بنانے کی دھمکی

ایران کی مسلح افواج کے جنرل اسٹاف نے تمام علاقائی ممالک کو سخت خبردار کیا ہے کہ اگر تہران کے خلاف کسی بھی قسم کے حملے کے لیے کسی ملک کی سرزمین استعمال کی گئی تو ایران ایسے حملوں کے ذرائع اور اڈوں کو بھی براہِ راست نشانہ بنائے گا۔ جاری کردہ ایک باضابطہ بیان میں ایرانی افواج نے افسوس کا اظہار کیا کہ بعض پڑوسی ممالک اپنے سابقہ مؤقف کے برعکس امریکا کو ایران کے خلاف عسکری کارروائیوں کے لیے اپنی زمین اور فضائی حدود استعمال کرنے کی اجازت دے رہے ہیں۔ بیان میں مزید کہا گیا کہ ایران تمام پڑوسی ممالک کی خودمختاری کا احترام کرتا ہے، تاہم کسی بھی جارحیت کو ہرگز برداشت نہیں کیا جائے گا اور اب سے ایسے تمام اقدامات کا پہلے سے زیادہ سخت جواب دیا جائے گا۔