ایران کا امریکا کے کسی بھی حملے کا جواب کئی گنا زیادہ شدت سے دینے کا اعلان

سینئر ایرانی حکام نے خبر رساں ادارے رائٹرز سے گفتگو کرتے ہوئے واضح کیا ہے کہ امریکا کی جانب سے کسی بھی نئے حملے کی صورت میں تہران کئی گنا زیادہ شدت سے سخت جواب دینے کے لیے مکمل تیار ہے۔ لارک پر امریکی حملوں کے بعد کی جانے والی ایرانی کارروائی کا حوالہ دیتے ہوئے حکام نے کہا کہ اس اقدام نے ثابت کر دیا ہے کہ خطے میں کوئی بھی ہدف تہران کی پہنچ سے دور نہیں ہے۔ آبنائے ہرمز کی صورتحال پر بات کرتے ہوئے ذرائع نے خبردار کیا کہ ایران کے مقرر کردہ قواعد و ضوابط کی خلاف ورزی کرنے والے تمام غیر ملکی بحری جہازوں کے لیے آنے والے دنوں میں صورتحال مزید خراب اور خطرناک ہو جائے گی۔