نیدرلینڈز میں سالانہ ریڈ ہیڈ فیسٹیول، دنیا بھر سے سرخ بالوں والے افراد کی شرکت

نیدرلینڈز کے شہر تلبرگ میں سرخ بالوں والے افراد کا سالانہ عالمی فیسٹیول ‘ریڈ ہیڈ ڈیز’ (Redhead Days) منعقد ہوا، جس میں دنیا بھر سے مختلف ممالک اور ثقافتی پس منظر رکھنے والے افراد نے شرکت کی۔ 28 سے 30 اگست تک جاری رہنے والے اس تین روزہ میلے میں فوٹو شوٹس، ورکشاپس، موسیقی، رقص اور کھیلوں سمیت متعدد تفریحی سرگرمیوں کا اہتمام کیا گیا، جہاں شرکا نے اپنے بالوں کے منفرد رنگ کو اپنی شناخت اور فخر کے طور پر منایا۔ دنیا میں سرخ بالوں والے افراد کا سب سے بڑا اجتماع سمجھے جانے والے اس فیسٹیول کا آغاز 2005ء میں ایک ڈچ مصور کی جانب سے ماڈلز کی تلاش کے لیے دیے گئے اشتہار کے بعد ہوا تھا، جو اب ایک عظیم الشان عالمی تقریب کا روپ دھار چکا ہے۔