امریکا اور ایران کے درمیان کشیدگی، عالمی منڈی میں تیل کی قیمتوں میں اضافہ

امریکا کی جانب سے ایرانی جزیرے لارک پر فضائی حملے اور اس کے جواب میں ایران کی عسکری کارروائیوں کے بعد عالمی منڈی میں خام تیل کی قیمتوں میں ایک ڈالر فی بیرل سے زائد کا اضافہ ہو گیا ہے۔ مشرقِ وسطیٰ میں جاری تنازع چھٹے ماہ میں داخل ہونے کے ساتھ برینٹ خام تیل کی قیمت 1.08 ڈالر (1.23 فیصد) کے اضافے سے 89.18 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) کی قیمت 92 سینٹ (1.10 فیصد) بڑھ کر 84.32 ڈالر فی بیرل پر پہنچ گئی ہے۔ معاشی تجزیہ کاروں کے مطابق خطے کی یہ شدید کشیدگی عالمی منڈی پر مزید کچھ ہفتوں تک اثر انداز رہ سکتی ہے۔ واضح رہے کہ امریکا کی جانب سے 2 راکٹ لانچرز تباہ کرنے کے جواب میں پاسدارانِ انقلاب نے قطر اور اردن میں قائم امریکی ملٹری اہداف پر میزائل داغے ہیں۔