شمالی کوریا کی فوجی کمان میں بڑی تبدیلی، وزیرِ دفاع سمیت کئی عہدیدار برطرف

شمالی کوریا کے سرکاری میڈیا (KCNA) کے مطابق سربراہ کم جونگ اُن نے فوجی کمان میں بڑے پیمانے پر تبدیلیاں کرتے ہوئے وزیرِ دفاع نو کوانگ چُل سمیت متعدد اعلیٰ عسکری عہدیداروں کو برطرف کر دیا ہے۔ اجلاس کے فیصلے کے مطابق برطرف وزیرِ دفاع نو کوانگ چُل کی جگہ ‘کورین پیپلز آرمی’ کے جنرل پولیٹیکل ڈیپارٹمنٹ کے سربراہ کم سونگ گی کو نیا وزیرِ دفاع مقرر کیا گیا ہے، جبکہ نو کوانگ چُل کو تنزلی کے بعد اسلحہ سازی کی صنعت کے انتظامیہ کا پہلا نائب سربراہ بنایا گیا ہے۔ اس کے علاوہ کم جونگ اُن کے دفاعی مشیر پاک جونگ چُن کو سینٹرل ملٹری کمیشن کا نائب چیئرمین اور پولٹ بیورو کا رکن مقرر کیا گیا ہے۔ یہ تبدیلیاں ایسے وقت میں کی گئی ہیں جب پیانگ یانگ اپنی عسکری صلاحیتوں کے فروغ اور روس کے ساتھ دفاعی تعاون میں تیزی لا رہا ہے۔