مسلمانوں کو دیوار کی اینٹوں کی طرح متحد ہونا ہوگا، ترک صدر

ترکیہ کے صدر رجب طیب اردوان نے اسلامی دنیا میں مضبوط اتحاد اور یگانگت کی ضرورت پر زور دیتے ہوئے کہا ہے کہ مسلمانوں کو ایک مضبوط دیوار کی اینٹوں کی طرح متحد ہونا پڑے گا۔ انہوں نے بتایا کہ ترکیہ مسلم ممالک کے درمیان باہمی اختلافات کو کم کرنے اور یکجہتی کے فروغ کے لیے اپنی کوششیں مسلسل جاری رکھے ہوئے ہے۔ طیب اردوان کا کہنا تھا کہ موجودہ حالات میں دنیا حق و باطل کے ایک تاریخی موڑ سے گزر رہی ہے جس میں ان شاء اللہ حق ہی غالب آئے گا۔ انہوں نے مسلم ممالک سے اپیل کی کہ وہ اپنے تمام تر باہمی اختلافات بھول کر امتِ مسلمہ کے مشترکہ مفادات کے لیے مل کر کام کریں، کیونکہ ایک مضبوط اتحاد ہی امت کو درپیش موجودہ اور درپیش چیلنجز کا مؤثر مقابلہ کرنے کا واحد ذریعہ ہے