ایران جنگ نہیں چاہتا، مگر ہر جارح کیخلاف پوری قوت سے کھڑا ہوگا: صدر پزشکیان

ایرانی صدر مسعود پزشکیان نے اپنے حالیہ بیان میں واضح کیا ہے کہ ایران جنگ نہیں چاہتا اور نہ ہی اس نے کسی جنگ کی شروعات کی ہے، تاہم کسی بھی جارحیت کے خلاف ملک و قوم پوری قوت سے کھڑی ہوگی۔ انہوں نے کہا کہ کوئی بھی طاقت ایرانی قوم کو ہتھیار ڈالنے پر مجبور نہیں کر سکتی اور تہران کسی بھی دھمکی یا دباؤ کے سامنے سر نہیں جھکائے گا۔ مسعود پزشکیان نے اس بات پر زور دیا کہ خطے میں پائیدار امن و استحکام کا قیام ایران کی بنیادی ترجیحات میں شامل ہے۔ انہوں نے عالمی برادری پر بھی زور دیا کہ وہ مزید کسی تنازع سے بچنے اور خطے میں کشیدگی کے خاتمے کے لیے اپنا مؤثر کردار ادا کرے۔